Start Menu Reviver ជា​ម៉ឺនុយ​ចាប់ផ្ដើម​សម្រាប់ Windows 8 ដែល​ពិសេស​និង​ងាយស្រួល​ដល់​អេក្រង់​​ប៉ះបញ្ជា

អ្នកទាំងអស់គ្នាបានដឹងហើយថា Windows 8 អត់មានឆ្នុចចាប់ផ្ដើម (Start Menu) មកជាមួយទេ ដែលជាហេតុធ្វើឲ្យអ្នកប្រើភាគច្រើនពិបាក មិនទម្លាប់ពេលអត់មានវាអញ្ចឹង!។ហើយអ្នកទាំងនោះ ពួកគ្នាក៏បានស្វែងរកកម្មបញ្ចូលបន្ថែម ដើម្បីឲ្យមានមុខងារដ៏សំខាន់មួយនេះឡើងវិញដូចជាកម្មវិធី Start Button 8, Start Menu 8,Start8, ឬ ViStart ជាដើម។

សូមរំលឹកបន្តិចថា : កំណកកើតរបស់ពពួកកម្មវិធី ដែលដើរតួជាម៉ឺនុយចាប់ផ្ដើមរបស់ Windows នោះគឺ មកពីកាលណោះ Microsoft បានរចនាថ្មីទាំងស្រុងឲ្យម៉ឺនុយចាប់ផ្ដើមនៅក្នុងជំនាន់ Windows Vista ដែលធ្វើឲ្យអ្នកសរសេរកម្មវិធី បានឆ្លៀតបង្កើតនិងចម្លងម៉ូដបើកផ្លូវឲ្យ Windows XP មានម៉ឺនុយចាប់ផ្ដើមស្អាតទាន់សម័យដូច Vista ដែរ, តែកាលណោះ! អ្នកប្រើក្រពុលមុខនឹងម៉ឺនុយ Vista ថាពិបាកប្រើ សាំញ៉ាំ។ មកដល់ Windows 7 វិញអ្នកប្រើគេទម្លាប់ប្រើដោយរីករាយ តែដោយសារ Microsoft គាត់ចង់អ្នកប្រើចាប់អារម្មណ៍ជាមួយនឹង Metro UI នោះ ក៏សម្រេចមិនដាក់ ម៉ឺនុយចាប់ផ្ដើម ទៀតទេ។

ជំនាន់ Windows 8 នេះហើយដែលធ្វើឲ្យកម្មវិធីដែលគេទុកចោលលែងរវីរវល់ហើយនោះ រស់ឡើង រីកដូចផ្សិតត្រូវទឹកសន្សើមនាពេលព្រឹកព្រលឹម ឃើញហើយគួរឲ្យចង់ប្រើ ដើម្បីបន្ថែមឲ្យ Windows 8 វិញ។ តែកម្មវិធីទាំងនោះភាគច្រើន គ្រាន់តែត្រាប់តាមម៉ឺនុយចាប់ផ្ដើមរបស់ Windows 7 តែប៉ុណ្ណោះ មិនមានអ្វីប្លែកទេ។ ដូច្នេះប្លកអាក្បាលធំសូមនាំឲ្យស្គាល់កម្មវិធី Start Menu Reviver នេះដែលពិសេស ស្រស់ស្អាត និងដំណើរការជាមួយអេក្រង់ប៉ះបញ្ជាបានយ៉ាងល្អ ៖

លក្ខណៈកម្មវិធី Start Menu Reviver ៖

នាំមកវិញ និង លើកមុខឲ្យម៉ឺនុយចាប់ផ្ដើម។
បើកដំណើរការក្នុង desktop និង metro apps។
ត្រូវគ្នាជាមួយអេក្រង់ប៉ះបញ្ជា។
មិនគិតប្រាក់ក្នុងការប្រើប្រាស់និងចែកចាយ។

*ចុចទីនេះចូលទៅទាញយក

Friday, May 31, 2013