Tripadvisor គឺជាគេហទំព័រមួយ ដែលមានលក្ខណៈពិសេសយ៉ាងច្រើនសម្រាប់អនុញ្ញាតឱ្យអ្នកធ្វើការបង្កើត Sildeshow លើ Online ដោយគ្រាន់តែប្រមូលយករូបភាពរបស់អ្នកនៅលើបណ្ដាញសង្គមដូចជា Facebook, Google + , Flickr, ជាដើម មករៀបចំបង្កើតចេញជាវីដេអូដ៏ទាក់ទាញមួយ។ ម្យ៉ាងវិញទៀតនៅពេលដែលអ្នកបានបង្កើតវីដេអូដែលអ្នកបានពេញចិត្តហើយនោះលោកអ្នកអាចធ្វើការចែករំលែកវីដេអូនេះ នៅលើ Facebook ប្លុក ឬលើវិបសាយផ្ទាល់ខ្លួនរបស់អ្នកយ៉ាងងាយស្រួលបំផុត។ ដើម្បីអាចបង្កើតរូបភាព Sildeshow ទាំងអស់នេះបាន សូមលោកអ្នកអនុវត្តជាមួយយើងដូចខាងក្រោម៖

១. ដំបូងលោកអ្នកត្រូវចូលទៅកាន់គេហទំព័ររបស់ Tripadvisor គឺ http://tripwow.tripadvisor.com/ ។

២. បន្ទាប់មកអ្នកត្រូវចុចទៅលើពាក្យ Create your sideshow ។

៣. បន្ទាប់ពីអ្នកបានចុចរួច លោកអ្នកនឹងឃើញវាលោតចូលផ្ទាំងថ្មី នៅក្នុងផ្ទាំងនេះ លោកអ្នកអាចជ្រើសរើសយក Theme សម្រាប់ដាក់ភ្ជាប់ជាមួយវីដេអូ បន្ទាប់មកសូមចុចលើ Continue ។

៤. នៅពេលនេះលោកអ្នកអាចជ្រើសរើសយករូបភាពសម្រាប់ភ្ជាប់ជាមួយវីដេអូ តាមរយៈ Facebook, Picasa, Flickr ឬ Upload ដោយផ្ទាល់ក៏បាន។

៥. សូមចុចជ្រើសរើសយករូបភាពណាដែលអ្នកពេញចិត្ត។ បន្ទាប់មកវានឹងបង្ហាញផ្ទាំងមួយទៀតដើម្បីឱ្យអ្នកជ្រើសរើសយកទីក្រុង និងឈ្មោះប្រទេសដែលអ្នកបានថតរូប។ សូមបំពេញឈ្មោះទីក្រុង រួចចុចលើ Set ។

៦. ក្រោយមកវានឹងបង្ហាញផ្ទាំងមួយទៀត សម្រាប់ឱ្យអ្នករៀបចំរូបភាពទៅតាមលំដាប់លំដោយ ការផ្លាស់ប្ដូរឈ្មោះទីក្រុង ផ្លាស់ប្ដូរ Theme បទចម្រៀង ជាដើម។ នៅពេលដែលអ្នកបានកំណត់រួចសូមចុចលើ Done ដើម្បីបន្តដំណើរការ។

៧. ពេលដែលអ្នកបានចុចលើ Done រួច វានឹងចេញផ្ទាំង Building Tripwow! អ្នកត្រូវរង់ចាំរហូតដល់ពេលវាដំណើរការចប់។

៨. នៅពេលនេះលោកអ្នកអាចមើលវីដេអូនៃរូបភាព Slideshow របស់អ្នកយ៉ាងអស្ចារ្យបំផុត។ វានឹងបង្ហាញអំពីទីតាំងដែលអ្នកបានថតរូបភាពនេះដូចជាឈ្មោះទីក្រុង ឈ្មោះប្រទេស និងបទភ្លេងទៅតាមតំបន់នីមួយៗផងដែរ។

៩. ខាងក្រោមនេះជា Slide ដែលបង្ហាញពីរូបភាពដែលបានថតចេញមកពីទីក្រុងភ្នំពេញប្រទេសកម្ពុជា។

១០. មួយវិញទៀតប្រសិនបើរូបភាពនេះយកចេញពីបណ្ដាប្រទេសផ្សេងទៀតវាក៏បង្ហាញឈ្មោះទីក្រុងនិងឈ្មោះប្រទេសដូចរូបភាពខាងលើនេះដែរ។ ហើយវាក៏នឹងបង្ហាញពីខ្សែដំណើរចេញពីប្រទេសមួយទៅប្រទេសមួយទៀតផងដែរ។

១១. ក្រោយពេលដែលអ្នកទស្សនារួច អ្នកអាចចែករំលែកវីដេអូនេះទៅកាន់បណ្ដាញសង្គមផ្សេងៗដូចជា Facebook ជាដើម្បី អាចឱ្យមិត្តភ័ក្ដិរបស់អ្នកមើលឃើញនូវអ្វីដែលអ្នកបានទៅកម្សាន្ត។

នៅទីបញ្ចប់លោកអ្នកនឹងអាចបង្កើតវីដេអូ រូបភាព Slideshow បានយ៉ាងងាយស្រួលជាមួយ គេហទំព័រ Tripadvisor ដ៏ល្អមួយនេះ៕

អត្ថបទដើម ៖ ទស្សនាវដ្តីវិទ្យាសាស្រ្តកុំព្យូទ័រ

Friday, May 31, 2013

របៀបបង្កើតរូបភាពជា Slide Show ជាមួយគេហទំព័រ Tripadvisor

0 comments:

Post a Comment

តំណភ្ជាប់ទៅកាន់ទំព័ររបស់យើង

ឯកសារប្រចាំខែនីមួយៗ

Followers