តើលោកអ្នកចាប់អារម្មណ៍លើភាពខុសប្លែក នៃឥទ្ធិពលរបស់ Photoshop ដែរឬទេ? គន្លឹះនេះគេច្រើនប្រើសម្រាប់ផលិតផលលក់ឡេ កែសម្ផស្សស្បែកមុខ ឬសម្រាប់ដាក់លើក្របទស្សនាវដ្តីជាដើម … ។
ថ្ងៃនេះទីក្រុងអាយធី សូមនាំយកគន្លឹះថ្មីមួយទៀត ក្នុងការកែខៃផ្ទៃមុខ ពីស្បែកស្រអាប់ មកជាភ្លឺស្រស់ថ្លា ដោយអនុវត្តន៍គន្លឹះងាយៗ ដួចខាងក្រោម៖
ចំណាំ៖ គន្លឹះនេះប្រើប្រាស់ Adobe Photoshop CS6 តែលោកអ្នកអាចប្រើប្រាស់កំណែដទៃបានដូចគ្នា។
ជំហានទី១៖ សូមបើករូបភាព ដែលលោកអ្នកចង់កែខៃ រួចធ្វើការកែប្រែ និងបន្ថែម Layer ។ សូមពិនិត្យមើលត្រង់ ផ្នែកខាងក្រោមនៃ Layers Pallet (មើលរូប) ហើយសូមចុចលើ Icon Adjustment Layer និងចុចលើ Solid Color ។
សូមកំណត់ពណ៌ Solid ទៅជាពណ៌ ស
បន្ទាប់ពីលោកអ្នកបានជ្រើសយកពណ៌ បានត្រឹមត្រូវនោះ វានឹងចេញលទ្ធផលដូចរូបខាងក្រោម
ជំហានទី២៖ បន្ទាប់មកទៀត សូមលោកអ្នកកំណត់ Layer Properties ដោយពិនិត្យត្រង់ Layers palette រួចកំណត់ Color Fill layer’s Blend Mode ពី Normal មកជា Soft Light (មើលរូប) ។
បន្ទាប់មកសូមចុចពីរដង លើ Layer ដែលដាក់ពណ៌ ស នោះវានឹងបង្ហាញផ្ទាំង Layer Style ដូចរូបខាងក្រោម ។
នេះជា Setting ទូទៅ ដែលមិនទាន់កែប្រែតម្លៃ
សូមលោកអ្នកកែប្រែតម្លៃដោយ ចុច Key ALT ឲ្យជាប់ ហើយចុច Mouse ស្តាំ (កែតម្លៃតាមរូប) រួចចុច OK ដើម្បីបិទផ្ទាំង Layer Style ។
សូមពិនិត្យត្រង់ Layer នឹងមានការកែប្រែ បន្ទាប់ពីបានអនុវត្តន៍តាមលំនាំខាងលើ ។
នោះលោកអ្នកនឹងទទួលបាន Layer ដែលមានទម្រង់ដូចខាងក្រោម ។
បន្តមកទៀត សូមលោកអ្នកចុចផ្គួប Ctrl + J ដើម្បីបង្កើត Layer ដដែលៗ ខាងលើ (លោកអ្នកអាចបង្កើត Layer ពី ៣ ទៅ ៥ Layers តាមតែលោកអ្នកចង់បាន ដើម្បីកំណត់ Effect ទៅលើរូបភាពដែលអ្នកចង់កែខៃ) រួចចងវាជាក្រុម (Group) ដោយចុចផ្គួប Ctrl + G ។
នោះលោកអ្នកនឹងទទួលបាន Group 1 ដែលមាន Layer ដដែលៗ ដែលបានបង្កើតខាងលើ ។
សូមលោកអ្នកឈរលើ Layer Group 1 រួចបន្ថែម Mask ទៅលើ Layer នោះដោយ ចុចលើ icon ទី៣ ខាងក្រោម នៃ Layer Pallet (ក្បែរ Layer Style icon – fx) ហើយសូមចុចផ្គួប Ctrl + I ដើម្បីបញ្ច្រាស Layer Mask ។ នោះរូបភាព (Layer ឈ្មោះ Background) នឹងវិលទៅរកសភាពធម្មតាវិញ សូមមើលរូប ។
ជំហានទី៣៖ ជាចុងក្រោយ សូមប្រើប្រាស់ Brush Tool ដើម្បីកែពណ៌ស្បែកនៃរូបភាព ។
ចំណាំ៖ នៅពេលប្រើប្រាស់ Brush Tool សូមឈរលើ Layer Group 1 ហើយកំណត់ពណ៌ខាងមុខ (Foreground Color) ជាពណ៌ស ទើបអាចលុបចេញជា ស ។
រូបភាពដែលបានលុបខ្លះៗហើយ
រូបភាពដែលបានលុបស្រលះ សស្អាត
0 comments:
Post a Comment